වල විල වීම

සඳ කොමළිය හින් සැරේ වළා යටින් එබුනා

නිල් තරු කැට අහස පුරා රටාවකට දිලුනා
කොඳ මල් මදහාස නගා විකසිත වී බැලුවා
ආදරයෙන් මුලු ලෝකය වට කොට මා සිටියා


නෙත දොවලා කඳුළු බින්දු පිනි කැට වී වැටුනා
නළඟන විත් හෙමින් සැරේ සිහිල දෙමින් එතුනා
ගහ කොල වැල් නිහඬ වෙලා තනියට ළඟ හිටියා
උනුහුම් ඔය ළය මඩලේ සෙනෙහස මට දැනුනා


මල් මඳහස දෙතොල් පුරා හීන් සැරේ ඇදුනා
දෙනෙතේ ඔය ලියවුන කවි පද සේරම පෙනුනා
වස්සනේ සිහින කුසුම් සොඳුරු වෙලා පිපුනා
හදවත තුල සෙනෙහස ගඟ දෙගොඩ තලා ගැලුවා