Sunday, August 2, 2015

ඉහිරුන තිළකේ...


Friday, July 3, 2015

උඩ බලමින් දෙසල්ලා...

දක්කාගෙන ගොන් හරකුන්
වෙල මැද්දට හෝයියා...
පන්නාගෙන හිවල් මොටයි
කැලේ මැදට හෝයියා...
උඩින් පැනපු දෙවි බඹුනුත්
එකම ගොඩක හෝයියා...
රා වෙනුවට බියර් බීපූ
අපි ඔක්කොම හෝයියා...


එළි වෙනකොට හීන බිඳපු
ඇස් අඳ කර දමල්ලා...
සැහැල්ලුවෙන් පාවෙනකොට
නිරුවත හැඩ බලල්ලා...
ගොඩෙන් මඩෙන් කාට උනත්
ඩිoග ඩිoග බෙදල්ලා...
කැමති කැමති අත ඉදගෙන
උඩ බලමින් දෙසල්ලා...

Thursday, May 28, 2015

ළඳ..

සඳට පෙම් බැඳ
ලියා කවි පද
නුරා නෙතඟින් 
පලා ගොළු හද...
මනාලිය වී 
ශ්වේත සළු ඇඳ
දෑත් පටලා
පලා යන ළඳ...

පලා දෙකඩව
ළයේ සෙනෙහස...
වසා දුහුලින් 
නග්න පුර සඳ...
මුසා මුව ඇඳි
සිනා රැල් බිඳ...
උමතු වූ හද
මරා යන ළඳ..

Thursday, May 14, 2015

මෙය මුලාවක් බව...

සබඳ 
පවසන්න
පසක් කලේ යැයි
නුඹ මට
මෙය මුලාවක් බව.....
මලක් නොවෙමි
දැන් මම
උස ගසක් මත
සුපුෂ්පිත
මිලින වී ගොස්
බිමටම ඇද වැටුන
මලක් වෙමි දැන් මම
පෙතිද
එකිනෙක ගිලිහුන
එසේමුත්
පවසන්න
සබඳ
මෙය මුලාවක් බව...
මා දෙතොල් මත ඇදෙන
සිනාවක් 
යළි යළිත් දැකිය හැකි නම් නුඹට
මම නුඹෙන් අඩක් නොවනා බව
ඉතින්  පවසන්න 
සබඳ
මෙය මුලාවක් බව...
උමතු ස්තිර්‍ යක
හද මත
වියරුවෙන් රටා කල
ප්මයේ ගෙත්තම
උනා දමා සැනෙකින්ම
පවසන්න මට
යළි යළිත් 
මෙය මුලාවක් බව...
ගැහෙන නුඹ පපුව මත
දිගා වී පෙරදින
සුවඳ සොයමින් හිනැහුන
මා දෑස් මතටම
එබී බලමින් තව නුඹ
ඉතින් පවසන්න
මෙය මුලාවක් බව...

Thursday, May 7, 2015

සුදුම සුදු එක මලක්


දෙමලිච්චෝ
නවත්තාපන් ඉතින්
ඔය කිචි බිචිය
බලපන් අර වැටගාව
ඉද්ද පඳුරේ 
කිසිදාක නොඳුටු 
පපුව මැද්දට
දැනෙන සුවඳින්
පිපී ඇත
සුදුම සුදු
එක මලක්

Monday, March 23, 2015

එකම එක වෘක්ෂයක්


විවිධ වූ

රුක් මතින්

රිසි වූ බොහෝ සේ

අතු ඉති පමණක්ම
ගෙනවිත් සවිකරන්
විසල් බාහුවකට
තනන්ට හැකි නම්
එකම එක වෘක්ෂයක්

නෙක පැහැයෙන් වුවද
පිපේවි මල් හැමකල්

පෙම් බදිනු හැකියි
එකල්හි
බොහෝ කල්

Wednesday, March 11, 2015

සිත

පලා සත්කඩකට
පොළෝ තල ඉකිලන
වරා මල් ගුලි කර
තලාලමු අතු ඉති මත

මලානික හදවත
දුර ගොසින් විසිකර
පුරා සඳ තනියට
තරු එවමු ගෙළ සිඳ

විදා නෙත් රතු වුන
හඬා කඳුලැල් එම
වළාවක මුසුකර
තබා එමු ගොළු අහසක





Saturday, February 7, 2015

ඈත නිල් අහස

අර පේන
කළු වළාකුල
සුදු වළාකුල
සිදුරුකර
බලාපන් හෙමිහිට
ඈත 
හිස්ම හිස්
ඉමක් නැති
නිල් අහස