Posts

Showing posts from February, 2012

කිරි පැණිත් තිත්ත වෙයි

බැස යන්න හදයි හිරු තවරාන ලේ පාට හැපී හැපී රළ හඬයි නිහඬ වෙරළට බට මින් රැලක් ගතුකියයි පැන ඇවිත් සයුරු පිට ඇට මිඳුළු නහර විද  කකියාවී විටින් විට හද මිණි මල් පිපී අර නිල් අහස කෙලවර සඳ තරුත් නිවි ගොස් කළුවරයි තුන් ලොව පුස් වෙඩිත් පත්තු වී මියෙන සවුන් දැක කිරි පැණිත් තිත්ත වෙයි අද හෙටම අපි හට

මට මා හමුවිම

සඳ නිවුණු නිසොල්මනේ එක්  රාත්‍රියක පහන් කණුවක් යට එළියක් හොයන විට බය වුනා හිටි හැටියෙම මතු වුනු  සෙවනැල්ලට

සිහිනයක සිනාසෙනවා

නිල් දියට එබී මල් කැකුළු සැලී මුදු කොමළ සිනා දෙනවා හිරු කිරණ වැදී රළ පෙළින් බිඳි පිණි බිදිති හැලී හද සිහිල ගලා යනවා රැල් පවන් නැගී හද විමන් ඇරි නෙත් අඟින් කැළුම් දෙනවා හද තැවුල් නිවී සෝ සුසුම් මැකී දුටු රුවක වෙලී සිහිනයක සිනාසෙනවා