Friday, March 25, 2011

අපූරු සමනලිය

කිරි කවට මුදු සිනා
දෙතොලඟින් වෑහෙනා
දඟ පාන පොඩි දෙපා
විඩා බර නොමවෙනා
උරණ වී ලොව සමඟ
ගොළු වෙලා නොතැවෙනා
පුන්චි මේ සමනලිය
සිත නැතුව ඉගිලෙනා

මිය ගියපු අතීතය
ගැන සිතා නොහඬනා
හෙට උදා වෙන ලොවට
හීන නෑ පුරවලා
දුකට හැඬු කඳුළු කැට
මොහොතකින් වියලෙනා
අපූරුම පුදුමයකි
නුඹ ලොවට ගෙන එනා



8 comments:

  1. පුන්චි මේ සමනලිය
    සිත නැතුව ඉගිලෙනා
    හරියටම හරි. අපූරුයිනෙ.
    මැණික්

    ReplyDelete
  2. තරහ නෑ හිත ගාව
    සිනහවයි මුව පුරා
    ඔය මුවේ හසරැල්ල
    මට වාසනා ගෙනා...

    ReplyDelete
  3. ලොකු සමනලියක් වෙද්දි මේ ඔක්කොම කණපිට හැරෙන එක තමයි වැරැද්ද.

    අපූරුයි..

    ReplyDelete
  4. ලස්සනයි කියලා කියන්නද් මැක්සා කියලා කියන්නද . පට්ට කියලා කියන්නද ?

    ReplyDelete