Wednesday, May 18, 2011

සතුටුවෙන සෙල්ලම

පොලියානා
පොලියානා
යාළු වෙන්න මාත් එක්ක
හිනා වෙන්න කියා දෙන්න
මට තනියෙන් බෑ කරන්න
"සතුටු වෙන සෙල්ලම"

ඉගිල්ලෙන්න අවැසි විටදි
නිල් අහසත් දුර පෙනෙද්දි
නොලැබුණු අත්තටු ගැන හිතෙද්දී
හිනා වෙන්නේ කොහොමද මo
දෙනෙත් වලට කඳුළු එද්දී

ජීවිතයේ බරක් නැතත්
රැකගත් ජීවිතය ඇතත්
මහ පොළවට බරක් වෙතොත්
හිනා වෙන්න හැකිද තවත්

පොලියානා හැකි විගහට
කියා දෙන්න මේ හැමවිට
සතුටු වෙන්න හැකි තරමට
විදියක් ජීවත් වෙන්නට

7 comments:

  1. කවුද අනේ පොලියානා ?

    කවි ටිකනම් ලස්සනයි

    ReplyDelete
  2. ඇත්තටම් කව්ද පොලියානා??
    හරිම ලස්සන කවි පෙලක්..

    ReplyDelete
  3. සතුටු වෙන එක උගන්වන්නනම් ගොඩක් අමාරු වෙයි.
    පොලියානා කියන්නෙ නවකතා චරිතයක් නේද?

    ReplyDelete
  4. ලව්කික ජීවිතයේ සතුට හැමදාමත් තාවකාලිකයි. ඒ හන්දා කවදාවත් සදාකාලික සතුටක් හොයන්න එපා. මොකද මොන විදියකින් හෙව්වත් එහෙම දෙයක් කවදාවත්ම හමු නොවන නිසා.

    ReplyDelete
  5. "සැමදා දුක සැමදා සැප නොමැති ලෝකයේ
    සිනහ නැගේ කඳුළු නැගේ එයයි ජීවිතේ..."

    ReplyDelete
  6. නියමයි අයේශා..... ඔයාගෙ හැකියාවනම් එන්න එන්නම දියුණු වෙනවා....

    ReplyDelete
  7. කවුද මේ පොලියානා. සතුට උගන්වන එක තමයි ප්‍රශ්නය.
    මැණික්

    ReplyDelete