සුදුම සුදු එක මලක්
දෙමලිච්චෝ
නවත්තාපන් ඉතින්
ඔය කිචි බිචිය
බලපන් අර වැටගාව
ඉද්ද පඳුරේ
කිසිදාක නොඳුටු
පපුව මැද්දට
දැනෙන සුවඳින්
පිපී ඇත
සුදුම සුදු
එක මලක්
නුඹ හට
නෑවිදින් නුඹ සිටින දවසට දෑස් යුග පියාගෙන විදගන්න රඳවා ගන්නම් මම ඉතින් මේ හාදුවල උණුසුම පියාපත් දිගුකර නුඹ පියාඹන දවසට කැදැල්ලේ පාලුවත් මැකෙන්නට හිරකරගන්නම් ආදරණීය හැම වදනකම මතකය දුර ඈත ඉසව්වක ඉගිලිලා නුඹ ඉතින් යනකොට තිතක් වී බොඳවෙන මා ඉතින් නොපෙනෙනා දවසට දුකක් නැති වෙන්න හිත යට කවක් ලියනෙමි හෙටත් නුඹ හට
ඒකම ඒක සුදු මලක්............... පපුව මැද්දට දැනෙන...... අගෙයි
ReplyDeleteහරිම අනුවේදනීයයි අනේ!!
ReplyDelete