Tuesday, July 26, 2011

අනේ දෙයියනේ.....!!!!!

පේළියට එක දිගට
රූප5 පිළිවෙලට
කතරගම,විශ්නු
පුල්ලෑරේ දෙවියොද
ඒ විතරක්ද
පත්තිනි මෑණියොත්
පැනලා ඒ මැදට.....

හිටගෙන එක පෙළට
ඉන්නවා බලාගෙන
පිහිටක් වෙන්නට...

මේක හරිම ලාභයක්
අපිට වෙච්ච වාසියක්
1 ක් රුපියල් 10 ගානේ
පස් දෙනට 50 ක් යයි
අරන් යන්න
අතේ තියෙන
පුන්චි මුදලට
දෙවියන්ම පස්දෙනෙක්...

දුකට පත් මේ අපට
පිහිට වෙන දෙවියනේ
උණුවුනේ නැද්ද ඔය
පඬුපුල් ආසනේ
ලාභේට පාර මැද
අසරණව අලවිවෙන
දෙයියන්ගේ නාමයට


Saturday, July 16, 2011

කවි කොලේ

උඹ කොලයක් දුන්නා
මම කවියක් ලිව්වා
..........................
......................
...........
......
...
හඳේ හාවා ගැන
දවසයි දෙකයි ගත වුනේ
හඳ අතුරුදහන්
හාවා පැනලා ගිහින්

ගුලිවෙලා කවි කොලේ
වැස්සට තෙමෙනවා

Thursday, July 7, 2011

පැතුම

හමා ඇදෙන මඳ සුළඟේ
දුක ගුලිකර මට එවන්න..
ඒ දුක කඳුළට හරවා
මට හඬන්න ඉඩ හරින්න...
නෙතින් වැටෙන ඒ කඳුළේ
සිහිලෙන් හද තෙත් කරන්න...
හීනෙන්වත් ළඟට එන්න
හනිකට නිදිමත හැදෙන්න...

ලොව නිදනා ඒ අතරේ
තටු ලැබිලා මට අහසේ
පියඹාවිත් හොර රහසේ
හිස අත ගා සනසවන්න
කවුළු පියන් හැර තබන්න

අටවක සඳ දුන් සිනහව
අතුරා මුව මත පිරෙන්න...
හද තුළ සෙනෙහස පතුරා
ඉක්මන් සුව පතාලන්න...
දිගු වී මේ රැය තව තව
නුඹ ළඟ ඉන්නට හරින්න...
තැවරුනු ඒ සුසුම් සුවඳ
ඇති නුඹ වෙනුවෙන් හිඳින්න...

Monday, July 4, 2011

දුටිමි

ගලවා දමා
සුදු පිරුවට
නිර්වස්ත්‍ර කොට
ආත්මයම
එබී බැලුවෙමි
කැඩපතට.....
ලෝකයක් නොදකින
කළු පැල්ලම්
දුටිමි
සෝදා ඉවත්කල
නොහැකි වූ.......