ජීවත් වෙන්න බිය නොවන්න

රස්සාවක් නැතිවුනාට
අතට කාසි හිඟ වුනාට
කරන්න වැඩ නැතිවුනාට
අපි බදිමු
මම රේඩියෝ අහන්නම්
ඔයා tv බලන්න
පොස්කාඩ් යවලා යවලා
ගේ ඉස්සරහා බෝඩ් ගහලා
අපි ලක්ෂයක් දිනමු

ඊට පස්සේ

බලුප් දාලා
වැලුත් ඇදලා
දේවාලයක් දාමු
ඔයා කපුවා
මට පුලුවන් මායම් දාන්න
අපි දෙන්න එකතු වෙලා
දුක විකුණමු

සල්ලි වලට

එහෙම බැරි වුනොත්

අපි පන්සලක් දාමු
චීවරයක් පොරවාගෙන
පිළිමේකුත් තනවාගෙන
කෙල්ලෝ කොල්ලෝ වශී කරමු
හදි හූනියම් කරමු
දහම්ත් modify කරලා
පින් කැට ටික වැඩිකරලා
සාසනේම විකුණාගෙන
අපි දෙන්නා
ජීවත් වෙමු