~පිළිවෙතින් පෙළ ගැසෙමු~

බුදු සමිදු පාමුලේ
තබා මල් ආසනේ
පිපිලා පරවෙනා
බව කියයි ජීවිතේ

හුරු පුරුදු මාවතේ
හිත බැඳුනු ආදරේ
මියැදුනොත් යම් කෙනෙක්
වැළපේවී කෑගසා
ඉල්ලලා ජීවිතේ

අඬගසා ගම් දොරේ
ගසා හේවිසි අගේ
වඩමවා හිමි පුරේ
දෙවි දන් සුරපුරේ

යනෙන විට මහ මඟේ
දෑත් පා සිඟමනේ
දුටුවොතින් යන දනෝ
ඉවත යයි නෙත් අනේ
 දන් දුන්නු සිටුතුමෝ

ඇසෙයි දස දෙස දිගේ
පතුරුවා දම් රසේ
හිත තබා හිතු මතේ
පිළිවෙතින් පෙළ ගැසෙමු
තබා අත් නළලතේ