Sunday, November 27, 2011

රොකට්ටු මඟ

ඇවිත් වැට ළඟ
වැදී සැඩ නළ
අඳුරු සෙවනැලි පිට
නටයි වී තව හැඩ
 
පෙළින් ගොස් කුළි රිය
දෙව් විමන් වලට බට
එනමුදුත් හෙමිහිට
වැටෙයි තව උඩ යට
ණයට ගත් හුස්ම ටික

රොකට්ටුත් මඟ හැර
අපි ගියේ ආපිට
විරිත්තන රුවකට
පුදනු තව කියා මක්කට

Thursday, November 17, 2011

සිනාසෙමි කඳුළු හැර

පියා නෙතු යුග
අසා ඉනු මැන
පවන් රැල් මත එතී හෙමිහිට
නටයි කවි පද වැටි සවනට


ගිලිහෙන දෙතොලඟින් නුඹේ
සිනහව වී දැවටෙන්නද
වෑහෙන නෙත් කොනින් නුඹේ
කැළුමන් වී සැඟවෙන්නද
විහිදෙන සියොලඟම නුඹේ
සුවඳක් වී තැවරෙන්නද
ඇහැරෙන සිහිනයක නුඹේ
පැතුමක් වී ළඟ ඉන්නද


නොවී විරසක සඳ
දිලේ නම් දුර වුව හිඳ
සිනාසෙමි කඳුළු හැර පිස
සිහින සිර කර හදේ කෙලවර

Sunday, November 13, 2011

දන්නෝ දනිති

බඩ පිම්බුවට
ලෝකෙට පෙන්න
උඹ ලොකු වුනාට
දන්න හැමෝම
දන්නවා
උඹ
නිකම්ම නිකන්
හුලo ගෙම්බෙක් බව