Tuesday, June 28, 2011

සොඳුරු වු වසන්තේ

පිපි තඹර පෙති විදා
හිනැහිලා බලනවා...
විසිරිලා නුඹේ සුවඳ
මද පවන එතෙනවා...
ඒ සුසුම් සුවඳ වැද
කෙහෙරැළිත් නටනවා...
සොඳුරු වු වසන්තේ
මිහිර තව දැනෙනවා...

සියොතුනුත් ගී ගයා
ලොව අසිරි කියනවා...
දැවටිලා නුඹ ළඟින්
ඒ අසිරි විඳිනවා...
නුඹේ දෑස් මත එබී
මා දෑස් සොයනවා...
හද පුරා කුරුටු ගා
ආදරේ ලියනවා
...

Tuesday, June 21, 2011

අරමුණ සොයා යෑම

ජීවීතේ..... මොකද්ද තේරුම? අරමුණ මොකද්ද? ජිවීතේ තියෙන්නේ විඳින්න. කවුදෝ කිව්වා.
         ඒත් විඳින්නේ කොහොමද? මොනවද ජීවීතේ විඳින්නේ? මට හිතෙන්නේ අපි අපිව රවට්ටනවා. ජීවීතේ හැමදෙයක්ම සතුටින් විඳිනවා කියන්නේ ඒකද? මම මාවත් ඔයා ඔයාවත් රවට්ටා ගන්න එකද? මට තේරෙන්නෑ. ඇත්තටම තේරෙන්නෑ.........ජීවීතේ ........අර දකින තිරිසන්නුයි අපියි අතර වෙනස තිරිසන්නු හිතට එන හැඟීම් ඒ විදියටම කිසිම පාලනයක් නැතුව ඒ හැඟීම් ඉටු කර ගන්න එකයි අපි ඒවට වැට කඩුළු මායිම් දාලා සිතුවිලි ශිෂ්ඨ සම්මපන්නයි කියල හිතන රාමුවක් තුළ පිළිවෙලකට කිරියාත්මක කරන එකයිද? මම අහන්නේ මොකද්ද මේ ජීවීතේ අරමුණ?
           හිතන්න්න පොඩ්ඩක්. පුන්චි කාලේ  ඉදන් ඉගෙන ගන්නවා එක්කෝ හුඟාක් දුරට ඉහළට ඉගෙන ගන්නවා.ලොකු උගතෙක් වෙන්න. නැත්තම් ඔන්න සාමන්‍ය විදියට ඉගෙන ගන්නවා. කොහොම උනත් අන්තිමට ජොබ් 1 ක් කරනවා . උදේ ඉදන් හවස් වෙනකම් එක්කෝ පඩියට වැඩ කරනවා, නැත්තම් සේවය කරනවා පඩියට. ඔය කොහොමහරි ජීවන මර්ගයක් හදාගන්නවා. ඊට පස්සේ ගෙවල් දොරවල් හදනවා. යාන වාහන ගන්නවා. මේව හැම එකක්ම කරන්නේ තමන්ට හොඳ වටිනාකමක් ලබා දෙන එකනේ. කොහොමහරි ඊට පස්සේ ඔන්න කසාද බඳිනවා. ළමයි හදනවා. උන්ට උගන්නනවා. උන්ට හම්බ කරනවා. උන් වෙනුවෙන් ජීවත් වෙනවා. ඊට පස්සේ ඔහේ මැරිලා යනවා.
              මේකටද ජීවීතේ කියන්නේ?අපි විඳින්න ඔනේ මේකද? ජීවීතේ අරමුණ මේකද? මේක ඒකකාරි නැද්ද? කොටුවකට හිර වෙලා වගේ දැනෙන්නැද්ද? මේකේ විඩාවක් දැනෙන්න්නැද්ද? ඇත්තටම තේතෙන්නෑ මේක ඇතුලේ විදින්නෙ කොහොමද කියලා.

                   අපි ජීවත් වෙන්න ඕනේ නිවන් දකින්න. හිත හදා ගන්න. කවුදෝ කිව්වා.හිත හදා ගන්න. ඔව් ජීවිතේ දුක බව වටහා ගෙන ඒකෙන් මිදෙන්න හිත හදන්න ඕනේ. මේ සසරින් එතෙර වෙන්න ඕනේ. බොහොම කලෙකින් ලැබිච්ච මේ මිනිස් ජීවීතේ අරමුණ ඒක. අපි ජිවත් වෙන්න නෑ එකට. ඒත් මේ ගහ මරා ගන්න ලොකේ දුක් විදින අසධාරණකම් වලට යට වෙච්ච මිනිස්සු අසරණ මිනිස්සු එතකොට එයලා? මට යුතුකමක් නැද්ද එයාලා වෙනුවෙන් සේවයක් කරන්න?මගේ ජීවීතේ අයිති මට නෙවේ. මගේ අම්ම තත්තා ඇතුළු මේ සමාජෙට.මම මේ විදියට මෙච්ච්චරකල් ජීවත් වෙන්නේ ඒ මිනිස්සු හින්දා. එතකොට මම ඒ කිසි දෙයක් නොහිතා බඹයක් තරම් වෙච්ච ශරීර කූඩුව විතරක් ලොකේ කියලා හිතලා නිවන් අවබෝධ කර ගන්න පුළුවන්ද? ඒකද එතකොට ජීවීතේ අරමුණ?
                ඔව් එක අතකින් ඒක ඇත්ත. "ජීවීතේ කියන්නෙ මොකද්ද? මොකද්ද ඒකේ අරමුණ? ජීවීතේ කොටුවක් ඇතුලේ හිර වෙච්ච ඒකාකාරීත්වය"

       මේ ඔක්කොම බහු විකර හිතන්නේ හිතෙන්නේ. හිතුවිලි වලින්නේ. ඔව් හිත හැදුවොත් හරි. එතකොට මෙහෙම වැඩකට නැති දේවල් හිතෙන් එකකුත් නෑ.

Monday, June 20, 2011

පාට ගිය සමනලුනේ


අව් සැරට පිච්චිලා
                  පාට ගිය සමනලුනේ
දූවිලේ එතී  එතී        
                 නුඹේ සුවඳ හමන්නේ
කළු තාර පැල්ලමද
             ඉකි ගසා හඬන්නේ
මල් වියද දහosයට
දියවෙලා වැටෙන්නෙ

Sunday, June 12, 2011

ආසනික් කැවිලා

ඉර දිහා බලාගෙන
              සිහිල යැද හඬනවා
වැහි දියට දිය වෙලා
                කඳු ගැටත් බිඳෙනවා
බඩජාරි පණුවනුත්
              බත් ඇටත් ගණිනවා
ආසනික් කැවිලාදෝ
              ඔලුව කරකැවෙනවා

කිරි පැණිත් තිත්ත වී
          moonඋඩ බලනවා
වාර්තා කියවලා
             හීනෙනුත් දොඩනවා
ඉසේ ඇති රුදාවට
                   වෙන කොට්ට හොයනවා
ආසනික් කැවිලාදෝ
            අපි පිස්සු කෙලිනවා

වාවාගෙන කෑවේ අපි
          අපේ දේ තමයිනේ
වකුගඩුත් දියවෙලා
                  ගෙවෙන්නේ කරුමේනේ
ලොකු උනුත් ඇස්පියා
          සොයන්නේ බලයනේ
ආසනික් විශවෙලා
         මියෙයිදෝ බයයිනේ