Saturday, May 28, 2011

කවුද මේ පොලියානා

         පොලියානා කියන්නේ කතා පොතක චරිතයක්. එයා පුන්චි ගෑනු ළමයෙක්.එයා ජිවිතේ හුඟාක් කරදර වලට මුහුණ පානවා. හැබැයි එයා ඒ හැම වේලාවෙම සතුටෙන් ඒවා විදගන්න හදනවා. ඒ එයාගේ තාත්තා කියා දුන්නු "සතුටු වීමේ සෙල්ලමින්" තමා. තමන්ට ජිවීතේ ලැබෙන සෑම දුක් කරදරයක් දෙසම සුභවාදීව බලන එක තමා ඒ සෙල්ලමින් කරන්නේ. එයා හැම ප්‍රරශ්නයකම සතුටු වෙන්න පුලුවන් පැත්තකුත් හොයා ගන්න එක තමා කරන්නේ. 
     
එයා මේ සෙල්ලම කරනවා. ඒ  වගේම එයා අදුරන දන්න හැමෝටම ඒ ගැන කියලා දෙනවා. මේ සෙල්ලම කරන්න හුඟාක් අමාරුයි සමහර අවස්තා වලදී. ඒත් කොහොමහරි දක්ෂ විදියට මේ සෙල්ලම කලොත් දිනන්න පුළුන් ජීවිතයම. එයා මුලින්ම මේ සෙල්ලම පටන් ගන්නේ එයාට බෝනික්කෙක් ඔනේ වෙලාවක එයාට ලැබෙන්නේ කිහිලිකරු 2ක් . ඒ ගැන සතුටු වෙන්න එයාගේ තාත්තා කියලා දුන්නා. ඒ සෙල්ලමින් කරන්න්නේ හැම දෙයකම තියෙන මොකක් හරි සතුටු වෙන්න පුලුවන් දෙයක් හොයන එක.පොලියානගේ කකුල් 2 කැඩෙනවා. එයාට ඇවිදින්න බැරි වෙනවා. එයාට ඒ වෙලාවේ මේ සෙල්ලම කරන්න හුඟාක් අමරු වෙනවා. ඒත් අන්තිමට එයා ඒක කරනවා. එයා සතුටු වෙනවා ඇවිදින්න බැරි වෙච්ච එක ගැන. එහෙම නැත්තම කවදාවත් කකුල් කියන්නෙ කොයි තරම් අපූරු දෙයක්ද කියලා තේරෙන එකක් නෑ කියලා හිතලා එයා සතුටු වෙනවා.

   සෝවාන් නොවුනු අපිට සතුට කියලා සදාකාලීක දෙයක් හදා ගන්න බෑ. එත් ජිවිතේ සමර වෙලාවට අපි කරන්නේ අපිට සිද්ද වෙන දේවල් වල දුකමයි අපිට පේන්නේ.අපි හරි අතෘප්තියෙන් ජීවත් වෙන්නේ. මොකක් හරි දෙයක් සිද්ද වුනොත් හිතනවා අනේ ඇයි මට මෙහෙම වුනේ මම කොච්චර කරුමක් කාරයෙක්ද? පව් කාරයෙද? අනේ මට මීට වඩා දෙයක් ලැබුනානම් කොච්චර හොඳද කිය කිය දුක් වෙනවනේ. ඒත් පොලියානා වගේ හිතන්න පුළුවන් වුනා නම් අපිට කොච්චර සතුටින් ඉන්න පුලුවන්ද.


      පොලියානා එලීනර් එච් පොඉටර් විසින් තමා රචනා කරලා තියෙන්නේ. කත්‍යානා අමරසිහ විසින් තමා සින්හලට පරිවර්තනය කරලා තියෙන්නේ. මේක පොඩි කලේ මම කියවපු පොතක්. එත් මේ ළඟදි දවසකත් මම ආයේ එක කියෙව්වා. ඔයාලත් කියවලා බලන්නකො.

Wednesday, May 18, 2011

සතුටුවෙන සෙල්ලම

පොලියානා
පොලියානා
යාළු වෙන්න මාත් එක්ක
හිනා වෙන්න කියා දෙන්න
මට තනියෙන් බෑ කරන්න
"සතුටු වෙන සෙල්ලම"

ඉගිල්ලෙන්න අවැසි විටදි
නිල් අහසත් දුර පෙනෙද්දි
නොලැබුණු අත්තටු ගැන හිතෙද්දී
හිනා වෙන්නේ කොහොමද මo
දෙනෙත් වලට කඳුළු එද්දී

ජීවිතයේ බරක් නැතත්
රැකගත් ජීවිතය ඇතත්
මහ පොළවට බරක් වෙතොත්
හිනා වෙන්න හැකිද තවත්

පොලියානා හැකි විගහට
කියා දෙන්න මේ හැමවිට
සතුටු වෙන්න හැකි තරමට
විදියක් ජීවත් වෙන්නට

Tuesday, May 10, 2011

කිනිතුල්ලෙක්......

අනවසරෙන්
හදවතට
ඇතුල්වුන
නුඹ
කිනිතුල්ලෙක්......
මගේ ආදරය
නුඹේ දරදඬු
හිතුවිලිවලින්
හූරා ගනිද්දී
මම විදපු වේදනාව........
ගලවලා විසි කලත්
පැත්තකට
තාමත්
ඇඳුම් කනවා
හදවත

Monday, May 2, 2011

~පිළිවෙතින් පෙළ ගැසෙමු~

බුදු සමිදු පාමුලේ
තබා මල් ආසනේ
පිපිලා පරවෙනා
බව කියයි ජීවිතේ

හුරු පුරුදු මාවතේ
හිත බැඳුනු ආදරේ
මියැදුනොත් යම් කෙනෙක්
වැළපේවී කෑගසා
ඉල්ලලා ජීවිතේ

අඬගසා ගම් දොරේ
ගසා හේවිසි අගේ
වඩමවා හිමි පුරේ
දෙවි දන් සුරපුරේ

යනෙන විට මහ මඟේ
දෑත් පා සිඟමනේ
දුටුවොතින් යන දනෝ
ඉවත යයි නෙත් අනේ
 දන් දුන්නු සිටුතුමෝ

ඇසෙයි දස දෙස දිගේ
පතුරුවා දම් රසේ
හිත තබා හිතු මතේ
පිළිවෙතින් පෙළ ගැසෙමු
තබා අත් නළලතේ