Friday, April 22, 2011

වෙන් වෙමු

සඳ දැන් අර මෝදු වෙලා
හිනැහෙවී හොරෙන් බලා
නෙතු බොඳ වී කඳුළු උනා
හැර යන්නට නොහැකි වෙලා

දෑස් මතට එබී බලා
නුබේ  රුව මා දැසේ සොයා
මුමුනා නෙක මියුරු කතා
සිරවි හද නතර වෙලා

ගහ කොල වැල් නිහඬ වෙලා
මල් නිදියයි අහක බලා
ලොව උරනව බලන නිසා
වෙන්වෙමු අපි සුවඳ තියා

Monday, April 11, 2011

සුදු කළු

එකම පාටකට
නුඹ
කළු කියනවා
මම ඒ
සුදු කියනවා
ඒ කළු ද?
නැත්තම් සුදු ද?
අපි තර්ක කරනවා
නුඹද නිවැරදි
මම ද නිවැරදි
.........................................
.........................................

බැලුවාම හිතලා
ඇත්තට
.......................
සoකල්ප අස්සේ
හිරවුනු
අමුම අමු
මෝඩයෝ
නුඹත්
මාත්

Sunday, April 3, 2011

අසම්පූරණ රචනාව ,,,,,.

හිස්ම හිස් හදවත් පිටුවේ
රචනාවක් ලියන්න
ඉල්ලපු නුඹ
කොමා වලින් වෙන් කරමින්
ලිව්ව එකම වාක්‍යට
හදිස්සියෙන්ම
විරාම ලකුණ තිබ්බා.
ව්‍යාකරණ නිවැරදියි
අක්ෂර වින්‍යාසයත් නිවැරදියි
පටන් ගත්ත වාක්‍යයත් හරි අපූරුයි
ඒත්..................
රචනාව තවමත් අසම්පූරණයි