Saturday, February 26, 2011

කළු සෙවනැලි


නෙක වර්ණ වලින්
පාට ගෑවත් මේ සෙල් රූ
අතැර යාවිද 
කිසි විට
කළු පාට සෙවනැලි

Friday, February 11, 2011

~~~~මතක සුවඳ~~~~

මල් පෙති වල පැහැ තවරා
මුව මත හසරැලි ගවසා
නිදනා නෙතු මත ඇඳෙනා
සිහින දිගේ එමි එතිලා

කළුවර රෑ අහස පුරා
දිලෙනා තරු මැදට වෙලා
නුඹ මුමුනන රහස් කතා
අසා සිටිමි සවන යොමා

තුරුලිය මත පිනි තවරා
ඒ සිහිලෙන් හද සනහා
මතක සුවඳ මo ඇරලා
මොහොතක් එමි ලොව නවතා

Thursday, February 3, 2011

මුරුගසන් වරුෂාව

වරුෂාව වරුෂාව
මුරුගසන් වරුෂාව
විනාශය විනාශය
අතලඟයි විනාශය

කිරි වැදුනු නිල් ගොයම
ගිලෙනවා වැහි දියේ
බඩගිනිත් වැඩි වෙලා
හඬයි පොඩි උන් පැලේ
හරි හම්බ කරපු දේ
සේදිලා යයි ජලේ
සීත රෑ හීනෙනුත්
ඉකිබිඳින හඬ ඇසේ

චිරි චිරිස් මඩ වෙලා
මැටි ගාපු පොඩි පැලේ
රෙදි පිළිත් කිළිටි වී
හිරිකිතයි ජීවිතේ
දෙවියනුත් කෝප වී
නොබලාවි මුව අපේ
ගිලි අප මියැදෙමුද
දෝරේ ගිය වැහි දියේ